Kahay?

kaarkhana e fikar me aaj yeh khayal pesh aata hai
Jab judai hai barhaq to kahay milwata hai?

Na Rooh hai Qabz, Na qalb Mutmayeen
Jab maut hai barhaq to kahay banata hai?

Mohabbat ka talabgaar to hai khaaliq e talabgaar bhi
Jab khud se faasla naa qaabil e bardasht, to kahay tarsata hai?

Silsila e Kash makash me hai Nasl e Adam
Jab izhaare jawab hai laazim, to kahay aazmaata hai?

itne khayaalat par soch vichaar acha nahi, hai ilm
Jab Pukhtaa hai emaan to Bandeya, kahay ghabraata hai?

Naa Shukri

Jab Itne gunah'on aur kotahion kay bawajood,
Tera Rab Shikwaa nahi kartaa,
To itne ehsaanaat ki baarish me tar ho kar bhi,
Tu Us ka shukar adaaa kyun nahi kartaa???

Kyun?

Duniya waloN! Batalao ye, kyoN jumle kaste rehte ho
KyoN shikwe hum se kerte ho, kyoN hum se larrte rehte ho